蘇斯克查確認：盧祖羅美路可以離隊

《串績王》新登場，最強博彩盤路過關神器：http://win.on.cc/football/　

曼聯領隊蘇斯克查正式確認，陣中2位阿根廷球員馬高斯盧祖同羅美路都唔會續約，今夏可以自由身離隊，甚至最快今個月就可以提早走人。

蘇斯克查話：「馬高斯盧祖同羅美路將於夏天約滿，同樣唔會續約，希望佢哋可以搵到新球會，會方已批准馬高斯盧祖返回家鄉，佢現時仲喺阿根廷，羅美路之前都返過去阿根廷探望家人，現時已返回英國。佢哋都係職業球員，好努力訓練，如果有球隊需要，佢哋都會準備好上陣。」

根據規例，球員只剩下半年合約，就可以同其他球會傾加盟事宜，預料馬高斯盧祖同羅美路未來日子將忙於搵新工，相信今季餘下比賽唔會再為曼聯上陣。