施比受更有福！沙拿捐氧氣罐回鄉抗疫

澳職開鑼，即上《澳職刨績王》：https://win.on.cc/football/league/aleague/index.html　

利物浦前鋒穆罕默德沙拿一向愛心爆棚，眼見最近新冠肺炎嘅疫情再度爆發，特別向自己家鄉埃及捐贈氧氣等醫療設備，以幫助村民渡過難關。

出生於埃及西北部納格里格村（Nagrig）嘅沙拿，過往已經為家鄉提供資金，為佢哋興建救護站、女子學校、體育設施同埋一個污水處理廠，據英媒報道，沙拿最近再透過自己喺2017年所成立嘅基金，再撥款捐贈一批氧氣設備。

據該基金會主任巴克爾話沙拿今次捐贈嘅醫療設備，係幫助村內嘅新冠肺炎患者，希望可以解決困難。舊年4月，沙拿已經向納格里村嘅家庭捐贈大量食品及鮮肉，並且建議佢哋點樣可以安全抗疫。夏天佢再捐3萬英鎊幫助建立一個救護站，服務當地3萬人。