阿古路又出事 隔離10日缺陣3場波

20210111
東網電視
更多新聞短片
(Getty Images)
《串績王》新登場,最強博彩盤路過關神器:http://win.on.cc/football/ 
由上季季尾至今一直備受傷患困擾嘅曼城前鋒阿古路,難得近期已傷愈,但卻因為同新冠肺炎患者有緊密接觸,需要隔離10日,缺陣3場比賽。
曼城喺周六(10日)晚英足盃對伯明翰,原本領隊哥迪奧拿打算安排阿古路上陣,但開波前唔見佢身影,原來呢位32歲阿根廷國腳曾經同新冠肺炎患者有緊密接觸,雖然佢之後接受檢測,並冇確診,但根據英國防疫規定,仍然需要隔離10日。
阿古路成為曼城近3星期以來,第9位接受隔離嘅一隊球員,哥迪奧拿話:「阿古路真係唔好彩,亦非常可惜,本來今場英足盃係佢上陣重拾比賽節奏嘅好時機,但依家又要缺陣一段日子。」阿古路除咗缺陣英足盃對伯明翰之外,亦踢唔到未來2場英超對白禮頓、水晶宮。
阿古路突然需要隔離,但並冇打亂哥迪奧拿嘅部署,曼城憑貝拿度施華梅開二度,加上菲爾科頓入波,上半場已領先3球,最終亦以3比0大勝伯明翰,打入英足盃第4圈。