普捷天奴「大報復」 為PSG撬普巴

20210111
東網電視
更多新聞短片
(Getty Images)
《英超刨績王》加強版,最強數據一網打盡:http://win.on.cc/football/ 
曼聯中場球星保羅普巴不時傳出想離隊,原本以為最大買家皇馬莫財,佢會專心留隊,但依家又出現新買家。英國傳媒爆料,指前熱刺主帥普捷天奴早前執教法甲巴黎聖日耳門(PSG)之後,計劃今夏收購保羅普巴,作為佢重建球隊嘅重要棋子。
保羅普巴嘅經理人拉奧拿曾經表示,呢位27歲法國國腳將會今夏提出轉會要求,如果曼聯拒絕,佢都唔會續約,最多等到明夏自由身走人。雖然普巴之後暗示想留隊,但輿論普遍認係佢唔係真心想為曼聯效力,只係等緊新買家,結果依家機會來了,普捷天奴有意簽佢。
據悉,普捷天奴以前喺英超搵食,已經好欣賞保羅普巴,認為佢屬於核心型球員,PSG簽入佢之後,可以制定一套圍繞普巴而建立嘅新戰術,仲可以提升埋PSG嘅名牌效應。
雖然皇馬、祖雲達斯都有意收購普巴,但兩間球會近年財政不穩,無法出價超過5,400萬鎊,有傳PSG願意支付7,500萬鎊轉會費,曼聯絕對有機會成人之美。不過,曼聯中場般奴費南迪斯就希望普巴留隊,認為如果紅魔鬼要捧英超,就必須要有普巴助陣。
曼聯之前成績欠佳,一度好接近邀請普捷天奴取代蘇斯克查,但之後表現回升,又放棄「肥普」,呢位阿根廷名帥依家可能想「大報復」,出手撬走普巴。