曼聯後防新星「賤價」轉投利華古遜

足球博彩神器，每日重心提供盡在《彩報》：http://win.on.cc/football/　

曼聯近年出產唔少新人，不過23歲後防科素文沙喺激烈競爭中未能上位，據報佢已經同德甲勁旅利華古遜達成協議，將會以150萬英鎊「賤價」轉會。曼聯領隊蘇斯克查亦證實呢位小將即將走人。

據《曼徹斯特晚報》消息，科素文沙雖然獲兒時曾效力嘅阿積士垂青，但佢決定加盟德甲勁旅利華古遜，由於佢同曼聯合約去到今個季尾就完結，而且拒絕續約，所以曼聯仍然接納150萬鎊嘅低廉轉會費。

科素文沙只係喺今季開咧戰正選上陣踢過1場聯賽，蘇斯克查日前亦證實佢就快離隊：「我唔知佢會留低定係接受面前嘅轉會方案，佢依家係需要比賽時間嘅年齡，但留曼聯上陣機會唔多，科素文沙好努力，佢會揀選佢覺得合適嘅球會。」