阿古路曼城生涯倒數　占士：賣佢畀PSG！

《英超刨績王》加強版，最強數據一網打盡：http://win.on.cc/football/　

曼城前鋒阿古路今季傷多過踢，最近復出後又因為同新冠肺炎確診者有接觸而要隔離，球季踢咗接近一半，呢位阿根廷射手只係踢過142分鐘英超，而且仲未拎到入球。32歲嘅阿古路同曼城合約只剩唔夠半年，目前球會仍未展開新合約談判，令人懷疑阿古路嘅「藍月亮」生涯已進入倒數。

曾效力曼城嘅英格蘭名將占士表示，阿古路對曼城嘅重要性已經大不如前：「我認為應該放佢走，咁樣並唔會影響佢係曼城傳奇嘅地位，曼城已經證明佢哋就算冇阿古路，一樣可以向前邁進。雖然阿古路係曼城傳奇兼危險殺手，但佢實在太多時間受傷，曼城已經逐漸走向由多球員分擔入波，多於依賴一個神射手。如果巴黎聖日耳門畀轉會費買佢，應該要即刻答應！」