食物計劃造假？拉舒福特為民發聲

澳職開鑼，即上《澳職刨績王》：https://win.on.cc/football/league/aleague/index.html　

曼聯球星拉舒福特除咗場內表現好，場外嘅佢非常關心公共事務，並因此獲頒MBE，周五(12日)福仔又為民眾發聲，佢發現英國政府向民眾分發嘅食物，報銷價錢同實際價值相差甚遠，喺社交網公開表示不能接受。

英國疫情大爆發再度封城，政府推出慈善食物計劃，向公眾分發食物，一位女士在社交網上載圖片，內容係佢收到嘅食物包，列出每種食物市場價格，當中有麵包、罐頭焗豆、生果及蔬菜等，並留言：「靠呢啲嘢度過10日？呢堆嘢據講消耗30鎊(約315港元)公共資金，而我只需要用5.22鎊就可以買到。」

見到可能有不公義嘅事情發生，拉舒福特挺身而出，向政府炮轟：「如果這個家庭應該得到價值30鎊嘅食物，點解呢度只得5鎊幾嘅份量？呢啲係送畀1個或3個小孩，就喺呢啲嘢？我無法接受，孩子們應得到更好對待。」