中堅做功臣　愛華頓絕殺狼隊

足球博彩神器，每日重心提供盡在《彩報》：http://win.on.cc/football/　

周三(13日)凌晨英超，愛華頓憑伊禾比、米克堅尼各入1球，作客以2比1擊敗狼隊，又反超前熱刺，升上第4位，令今季前4之爭愈來愈激烈。

愛華頓反客為主，開波6分鐘就透過1次簡單組織，由伊禾比射入，打開紀錄。狼隊好快還以顏色，由魯賓尼維斯近門射入，呢位葡萄牙「遠射王」2017年加盟狼隊以來，17球個入球之中，只有5球喺禁區內射入，其中4球仲係12碼，換言之，今次係佢效力狼隊以來，首次禁區內以「生球」入波。

其後雙方陷入開鋸戰，直至77分鐘，愛華頓發動角球攻勢，狼隊球員解圍不遠，安祖高美斯左路傳中，由上前攻助嘅中堅米克堅尼頂入贏2比1，愛華頓今季英超有9個入球來自頭槌，屬於各隊之中最多。

愛華頓以3分優勢反超前熱刺，升上第4位，但踢多對手1場，前4之位並唔穩陣。