【官宣】阿仙奴同洛賀丁續約3年

2021年01月13日 18:01
東網電視
更多新聞短片
澳職開鑼,即上《澳職刨績王》:
阿仙奴正式宣布同中堅洛賀丁續約3年至2024年,約滿之後可以優先再續約多1年,領隊阿迪達大讚呢位25歲英格蘭後衞對球隊作出巨大貢獻,可以成為兵工廠防線支柱。
洛賀丁2015年由保頓加盟阿仙奴,上陣次數唔算多,加上一度嚴重受傷,幾乎被球迷遺忘。不過,洛賀丁克服傷患之後,今季已經成為阿仙奴主將,各項賽事上陣18場,亦係防線之中表現最穩定嘅一人。
阿仙奴技術總監伊度非常欣賞洛賀丁:「我哋好高興可以同洛賀丁續約,佢依家先至25歲,處於職業生涯巔峰時期,佢近幾個月喺球場內外都表現出成熟及專業嘅質素,好期待佢未來幾年繼續成長。」
領隊阿迪達話:「由我執教阿仙奴以來,洛賀丁嘅貢獻令我留下深刻印象,佢每日訓練都非常出色,並將訓練成果應用喺比賽之上,大家都好清楚佢嘅實力。」洛賀丁獲得兩位大佬力撐,肯定大把前途。