搵命博!歐國盃擬開放70%座位畀球迷入場

2021年01月13日 23:05
東網電視
更多新聞短片
(Getty Images)
澳職開鑼,即上《澳職刨績王》:
歐洲嘅新冠肺炎疫情嚴重,令人擔心已經延期1年嘅歐洲國家盃決賽周能否於今夏舉行,外媒指歐洲足協唔只堅持如期6月開波,更加打算開放球場70%座位畀球迷入場睇波。
據悉,歐洲足協考慮到經濟因素,一定唔會取消賽事,但就計劃將原本12個不同國家嘅比賽城市,減少至4個,降低職球員中招風險。
最令歐洲足協頭痛係已經出售咗90%門票,雖然公布延期之後,已有部份人士退票,但仲大量球迷持有門票。如果歐洲足協全數退票,對於足協本身及55個成員國足協,都會造成巨大經濟損失,所以計劃最多畀70%持票球迷入場,最低都希望有30%。
比賽場地都係另一個大問題,有傳德國、法國、英國、俄羅斯屬於熱門選擇,歐洲足協將於4月20日作出最後決定,希望到時有更多人士注射疫苗之後,令疫情有改善,球迷就有更大機會入場。