祖雲達斯新人王發威 意盃驚險晉級

2021年01月14日 12:00
東網電視
更多新聞短片
《英超刨績王》加強版,最強數據一網打盡:http://win.on.cc/football/ 
周四(14日)凌晨意大利盃16強大戰,祖雲達斯主場踢足120分鐘,加時戰以3比2力克熱拿亞晉級。兩大新星古路施夫斯基同拉菲亞今場各入1球,可見祖雲達斯嘅接班工作已有唔錯成效。
祖雲達斯今場半力出擊,C朗拿度、艾朗藍斯等都先任後備,而且開局亦相當理想,瑞典20歲新星古路施夫斯基開波2分鐘先拔頭籌,呢位攻擊中場23分鐘再交出助攻畀艾華路莫拉達入波。不過熱拿亞之後急起直追,憑施波拿同美利干尼建功追成2比2平手。祖雲達斯踢到105分鐘,由後備入替嘅拉菲亞射入致勝球,協助球隊贏波晉級。
現年21歲嘅拉菲亞係突尼西亞球員,2019年夏天由里昂加盟,由於今季喺祖雲達斯B隊表現突出,因而獲派路賞識召入一隊。拉菲亞今場4次扭波有3次成功,侵略性相當強,加上射入致勝一球,有望成為祖雲達斯明日之星。