互射12碼入得5球 巴塞入西超盃決賽等皇馬

2021年01月14日 14:04
東網電視
更多新聞短片
(Getty Images)
《串績王》新登場,最強博彩盤路過關神器:http://win.on.cc/football/ 
巴塞隆拿周三深夜出戰西超盃4強對住皇馬蘇斯達贏得驚險,兩隊打足120分鐘1比1平手,雙方互射12碼「鬥唔入」,最終巴塞以3比2獲勝,總比數4比3躋身決賽,穩袋至少140萬歐元。
今場美斯因傷缺陣,皇蘇就有大衞施華繼續避戰,開賽不久兩隊已經互相「搏拳」皇蘇反擊都好有威脅,頭頂腳踢,好彩巴塞門將達史特根屢救險球。巴塞慢慢取得節奏,攻門亦開始有威脅,39分鐘基沙文傳中,中場法蘭基迪莊頂入,領先1比0入更衣室。換邊後,法蘭基迪莊喺禁區犯手球,功臣變罪人,皇蘇由奧耶沙巴爾操刀,成功追平1比1,最終兩隊再冇入球進賬,加時後仍然未分勝負,要互射12碼定生死。
嚟到12碼,皇蘇頭3輪都射失,其中巴塞門將達史特根2次成功撲出,應記一功,跟住巴塞有法蘭基迪莊及基沙文宴客,21歲新星佩治自告奮勇射入奠定勝一球,為巴塞贏3比2,第24次闖入決賽,將同另一場4強戰嘅皇家馬德里及畢爾包嘅勝方爭逐。
今屆西超盃嘅冠軍可袋走200萬歐元,亞軍都有140萬歐元,打入四強就有80萬歐,巴塞過去贏得13次冠軍,想再捧盃僅差一步。