生死時速！利物浦中堅力爭復出鬥曼聯

足球博彩神器，每日重心提供盡在《彩報》：http://win.on.cc/football/　

英超將於周一(18日)凌晨上演榜首大戰，利物浦主場對曼聯，上個月受傷嘅紅軍中堅祖爾麥迪比正在盡最後努力，進行康復運動，希望趕及復出踢呢場「雙紅會」。

祖爾麥迪比上月尾聖誕快車期間對西布朗，勇戰受傷，現時已經接近康復，領隊高普都好希望呢位喀麥隆國腳復出對曼聯。

華基爾雲迪積克、祖高美斯、祖爾麥迪比養傷之下，高普手上已經冇正宗中堅可用，上場英足盃對阿士東維拉，高普用法賓奴泰華利斯同里斯威廉斯扼守中路。

上輪英超甚至要中場佐敦軒達臣客串踢中堅，結果0比1不敵修咸頓。如果祖爾麥迪比未能復出對曼聯，到時可能又要用法賓奴泰華利斯、佐敦軒達臣客串踢中堅，遇上榜首一哥曼聯，恐怕難以招架。