【官宣】李斯特城射手免費轉投里昂

《英超刨績王》加強版，最強數據一網打盡：http://win.on.cc/football/　

法甲勁旅里昂宣布，免轉會費簽入李斯特城前鋒施利文尼，雙方簽約至2022年6月30日。與此同時，里昂將射手穆沙迪比利外借去馬體會，直至今季結束，施利文尼正好可以填補佢嘅位置。

現年32歲嘅施利文尼2016年夏天由士砵亭加盟李斯特城，除咗首季有不俗表現之外，過去3季分別被借去紐卡素、費倫巴治、摩納哥。呢位阿爾及利亞國腳上季法甲為摩納哥上陣18場入9球，更於該季法甲最佳非洲球員選舉之中排第2位。

里昂正係睇中施利文尼喺上季法甲有出色表現，所以決定簽入佢，頂替早有離心嘅穆沙迪比利。馬體會向里昂借用穆沙迪比利，可以填補迪亞高哥斯達離隊之後嘅前鋒位置。