疫情未受控 維拉比賽又取消

2021年01月14日 20:17
東網電視
更多新聞短片
《英超刨績王》加強版,最強數據一網打盡:http://win.on.cc/football 
近日受到疫情侵襲嘅英超球會阿士東維拉繼續冇波踢!維拉原本喺周日(17日)晚上會喺主場鬥愛華頓,但因維拉仍有多人需要接受隔離,所以英超賽會決定延期,暫時未定補賽日期。
維拉早前因為疑有多人確診,上周末對利物浦嘅英足盃第3圈比賽被逼以青年軍出戰,最終大敗1比4出局,周中主場對熱刺嘅英超亦因此而改期;維拉對愛華頓嘅比賽原本安排喺周六(16日)深夜舉行,因遷就周中賽事改期而延遲一日,但因為維拉情況未有好轉,最終都係踢唔成。
據報目前維拉訓練場仍然關閉,所有球員都唔能夠操練,根據目前情況仲未知道維拉幾時可以復賽。按照原定賽程,維拉下場比賽會喺下周四(21日)凌晨作客鬥曼城,英超賽會已表示會密切注意維拉隊內疫情嘅最新進展。