士哥大爆發!曼城爭標靠晒菲爾科頓

2021年01月14日 21:00
東網電視
更多新聞短片
《英超刨績王》加強版,最強數據一網打盡:http://win.on.cc/football/ 
曼城近期走勢凌厲,喺各項賽事錄得7連勝佳績,贏埋白禮頓後正式重返爭標集團,領隊哥迪奧拿豪言「藍月亮」依家正式上力,而曼城回勇嘅關鍵人物,就係20歲中場菲爾科頓,佢對白禮頓一箭定江山嘅入波,係佢今季各項賽事第8球,成功超越史達寧同費倫托利斯(均為7球),成為曼城今季首席「士哥拿」。
喺王牌前鋒阿古路長期缺陣下,曼城今季入球較為分散,而身為中場嘅菲爾科頓就肩負起好大部份嘅入波責任。菲爾科頓季初唔係必然正選,但各項賽事22次上陣,曼城有16勝4和2負成績,可以話係球隊嘅核心人物。
哥迪奧拿對菲爾科頓亦大為讚賞:「你睇菲爾科頓個年齡、佢上陣嘅次數、入波同助攻數字,同埋佢每場跑動嘅距離,足以說明佢嘅能力。菲爾科頓水平愈嚟愈高,絕對值得成為曼城主力。」