又係佢！般奴費南迪斯奪12月最佳創歷史

《英超刨績王》加強版，最強數據一網打盡：http://win.on.cc/football/　

英超賽會公布12月份最佳球員獎項，結果由曼聯中場般奴費南迪斯成功「冧莊」，佢喺12月為曼聯出戰6場英超，個人取得3個入波兼交出4次助攻，為曼聯取得4勝2和，以3分壓過利物浦，以榜首姿態迎接周日（17日）晚上舉行嘅雙紅會。

自從「般費」上年1月加盟曼聯之後，已經先後攞過2月、6月、11月及12月份英超最佳球員，成為史上首位能夠喺1年之內，4度當選英超每月最佳嘅球員，認真威水，如果周日晚上可以帶領曼聯作客擊敗利物浦，喺曼聯球迷心目中嘅地位肯定進一步提升。

至於12月份最佳領隊則由阿士東維拉的甸恩史密夫當選，最佳入球係已經由韋斯咸轉投荷甲阿積士嘅施巴斯坦賀拿，喺主場1比1打和水晶宮嘅「倒掛金勾」入波奪得。