恩哈路告別曼聯　擬去美職跟碧咸搵食

《英超刨績王》加強版，最強數據一網打盡：http://win.on.cc/football/　

曼聯季前續借向上海申花續借前鋒恩哈路，呢位尼日利亞射手嘅借用期去到今個月底完結，喺烏拉圭前鋒卡雲尼加盟後，恩哈路今季上陣機會極少，至今只有4次上陣，當中英超只曾亮相過1場，「紅魔鬼」幾乎可以肯定唔會再延長借用，意味恩哈路好快就會正式告別曼聯。

31歲嘅恩哈路表示坦言最希望繼續留喺曼聯，但延長外借機會渺茫，佢亦冇打算返中超發展，強烈暗示會去美職搵食，而且仲可能係碧咸做班主嘅國際邁亞密：「美職愈嚟愈興旺，我諗我會享受喺美國踢波，希古恩、杜斯山度士都去美國踢波，我點解唔可以？碧咸間球會發展得好快，如果有機會出現我都想嘗試。」

恩哈路經理人亦向《BBC》表示，佢哋依家有多份合約可以選擇：「美職只係其中一個好有誠意嘅地方，我哋仲有嚟自英超、其他歐洲球會以及中東球會斟介，仍然有好多可能性。」恩哈路自上年1月加盟曼聯後，一共為曼聯上陣23場攻入5球。