豪門新潮流 朗尼係曼聯未來主帥?

20210116
東網電視
更多新聞短片
《英超刨績王》加強版,最強數據一網打盡:http://win.on.cc/football/ 
英格蘭一代射手朗尼宣布掛靴,正式接任英冠球會打比郡領隊後,唔少曼聯球迷都猜測,呢位曼聯史上首席射手將來有冇機會執教「紅魔鬼」。英國博彩公司,睇好朗尼有朝一日會成為曼聯主帥,賠率熱到只有3.75倍!
林柏特教車路士、阿迪達教阿仙奴、蘇斯克查教曼聯,英超多間豪門都係搵番昔日球星嚟做領隊,朗尼依家行出執教生涯第1步,博彩公司Betfair就開盤,朗尼未來執教曼聯為3.75倍,接替蘇斯克查成為下一任曼聯領隊有26倍,至於接替安察洛堤做「拖肥糖」下任領隊賠率則為17倍。
不過,朗尼依家領隊之路啱啱展開,可能仲需要時間浸淫,朗尼下一間執教球會大熱就係蘇超勁旅些路迪,賠率熱爆2.5倍,事實上些路迪盛傳將會炒領隊連儂,如果朗尼真係轉戰蘇超,就有望同格拉斯哥流浪領隊謝拉特,上演另類「雙紅會」。