利物浦名宿批死　曼聯今季最多拎第3

足球博彩神器，每日重心提供盡在《彩報》：http://win.on.cc/football/　

英超「雙紅會」大戰前，利物浦名將懷斯就今季英超爭霸形勢作出分析，雖然目前利物浦正處下風，而曼聯就做緊「一哥」，不過呢位挪威名將就批死曼聯「最多拎第3」，冠軍會係利物浦同曼城之間嘅競爭。

曾經喺2001至08年效力「紅軍」嘅左腳重炮懷斯：「作為中立球迷，睇今季英超爭逐係好刺激，但最後會係利物浦同曼城之爭，曼聯或者會拎第3位。曼聯弱點係太過依賴般奴費南迪斯，如果佢因為任何原因缺陣，曼聯就會出事，太過依賴1個球員，就係我唔睇好曼聯嘅原因。曼城同利物浦有唔同球員可以撐起球隊，而曼聯只有1個。」

雖然批死曼聯，但懷斯對同鄉蘇斯克查就大為讚賞：「我好鍾意蘇斯克查，佢今季做得好好，將傳媒同球迷嘅批評轉為掌聲，我一定會支持挪威嘅人，只可惜蘇斯克查教錯咗球隊！」