費Sir：睇紅軍近2年表現　好彩我已退休

《英超刨績王》加強版，最強數據一網打盡：http://win.on.cc/football/　

英超「雙紅會」利物浦主場對曼聯，全球關注，紅魔鬼傳奇主帥費格遜都出來發表自己睇法，費Sir承認「死敵」利物浦近2年表現太強，慶幸自己已經退休，唔使面對呢支老對手。

費格遜接受傳媒視像訪問時話：「曼聯每次對利物浦都係全季最大焦點，曼聯想奪得冠軍，就必須先擊敗利物浦，兩隊都係英國史上最佳球隊。」費Sir執教曼聯期間，曾經65次帶領曼聯對利物浦，取得30勝14和21負。

呢個時候紅軍領隊高普都加入視像訪問，費Sir立即向對方大笠高帽：「謝天謝地，我已經退休，因為睇到利物浦近2季表現，簡直係超頂級，高普可以好好瞓一覺，認真備戰今場比賽。」

今場係高普執教利物浦第200場英超比賽，此前199場取得127勝，同埋利物浦對上1次英超主場輸波，已經係2017年4月，曼聯今場想贏波，絕對唔容易。