用到盡！巴塞要美斯頂硬上踢西超盃

澳職開鑼，即上《澳職刨績王》：https://win.on.cc/football/league/aleague/index.html　

巴塞隆拿球王美斯因為大腿受傷，缺陣上場西超盃4強對皇家蘇斯達，好彩球隊都成功晉級打入決賽，至於呢位阿根廷國腳能否趕及復出踢周一(18日)凌晨對畢爾包嘅決賽，就成為疑問。據悉，巴塞方面認為美斯傷勢已經好轉，可以上陣搏殺。

美斯左腳大腿二頭肌肉受傷，缺陣上場對皇家蘇斯達，西班牙主要傳媒認為為肌肉受傷，需要時間慢慢康復，認為美斯趕唔切復出踢西超盃決賽。

不過，巴塞會方喺周四(14日)為美斯進行詳細檢查，認為佢傷勢已好轉，有機會復出踢決賽。

西超盃一向只屬象徵性質，巴塞隆拿要美斯帶傷冒險上陣，實屬不智，因此有推測指，可能由於美斯好大機會今夏自由離隊，所以巴塞要用盡佢。