費格遜：當年一個原因　曼聯冇買軒達臣

《英超刨績王》加強版，最強數據一網打盡：http://win.on.cc/football/　

利物浦2011年從新特蘭簽入佐敦軒達臣，後來呢位英格蘭中場成為紅軍隊長，近年帶領球隊捧起歐聯及英超獎盃，「雙紅會」前夕，傳奇領隊費格遜接受訪問時表示曼聯曾經想簽佢，承認錯過一位好球員。

費格遜表示：「我對佐敦軒達臣嘅成就不感意外，只是遺憾當年冇簽佢返嚟。其實當年我已經準備向新特蘭報價，亦同布魯士傾過，我哋都好鍾意呢個球員。」

不過後來因為一件事，令曼聯打消收購念頭：「醫療部門同我講，佢哋對軒達臣嘅跑步姿勢唔係太滿意，認為佢會好易受傷。」

費Sir坦言：「我哋嘅理念係球員必須長期比賽，如果成日傷就係嘥時間，所以冇買到軒達臣。後來軒達臣一直表現出色，亦話畀我知，我哋錯過咗一位好球員。」