普捷天奴隔離 PSG無帥贏得驚險
20210117
東網電視
更多新聞短片
澳職開鑼，即上《澳職刨績王》：https://win.on.cc/football/league/aleague/index.html
周日(17日)凌晨法甲，巴黎聖日耳門(PSG)主帥普捷天奴因為確診新冠肺炎，需要接受隔離，未能親自領軍，呢支豪門最終作客僅以1比0小勝昂熱。
巴黎聖日耳門過去12次對昂熱，獲得全勝，但今場缺少主帥之下，踢得唔多順，開波2分鐘幾乎失守，好彩門將基羅拿華斯反應快，將對手勁射托出底線。
PSG企穩陣腳之後，開始搶番主動權，但基利安麥巴比近門射失，尼馬窄角度起腳，亦無功而還。換邊之後，基利安麥巴比又錯失單刀入波機會，腳風非常唔順。
結果踢到70分鐘，PSG由後衞做主角，右閘費奧倫斯傳中，昂熱中堅羅曼湯馬士解圍唔到，PSG左閘古沙華把握機會射入，一箭定江山，遙距領軍嘅普捷天奴可以鬆一口氣。