一個原因　阿仙奴要簽巴塞2號門將

《英超刨績王》加強版，最強數據一網打盡：http://win.on.cc/football/　

阿仙奴今季成績欠佳，「廠迷」都希望會方把握1月冬季轉會市場簽入猛將，提升實力。不過，根據西班牙《每日體育報》爆料，兵工廠頭號收購目標竟然係巴塞隆拿後備門將尼圖。

據悉，阿仙奴季初出售後備門將達米安馬天尼斯畀阿士東維拉之後，領隊阿迪達對於新任2號門將溫拿臣冇乜信心，特別係呢位冰島國腳喺英聯盃對曼城，2次犯錯導致球隊大敗1比4，更加令阿迪達後悔放走達米安馬天尼斯。

因此，一旦正選門將賓特尼奴受傷或停賽，兵工廠隨時有「滅門」之災，所以急需要簽入1位後備門將。

目標人物尼圖實力唔錯，甚至有能力擔任正選，可以同賓特尼奴展開良性競爭，對球隊有好處。31歲嘅巴西鋼門尼圖之前效力過費倫天拿、祖雲達斯、華倫西亞，佢亦有興趣入「廠」，但條件係必須有正選，成為雙方最大分歧。