德甲28分鐘　盧卡祖域平皇馬1季半入球

《英超刨績王》加強版，最強數據一網打盡：http://win.on.cc/football/　

日前由皇家馬德里外借返去法蘭克福嘅盧卡祖域，周一(18日)凌晨德甲立即上陣，佢只係後備上陣踢28分鐘即刻梅開二度，追平佢效力皇家馬德里一季半嘅聯賽入球紀錄，盧卡祖域返德甲似乎真係如魚得水。

法蘭克福主場出擊，28分鐘就由安達施華入波先開紀錄，但係1分鐘之後就被追平。去到62分鐘，法蘭克福換入回歸只有3日嘅盧卡祖域，呢位塞爾維亞前鋒72分鐘即窩利抽入再次領先，完場前再入一粒個人梅開二度。

盧卡祖域上季轉會皇家馬德里後，17次喺西甲上陣只入2球，今季4次聯賽披甲亦冇入過波，估唔到重返法蘭克福，唔使半個鐘頭已經入咗佢之前1季半嘅波，認真犀利。