銀彈政策再現！車路士天價搶夏蘭特

《英超刨績王》加強版，最強數據一網打盡：http://win.on.cc/football/　

英國《The Athletic》報道，車路士今夏準備以天價搶簽挪威天才前鋒艾寧夏蘭特，如果遇到其他豪門競爭，藍戰士將以更高價錢擊退對手，回復昔日銀彈政策組軍嘅豪氣！

報道指，效力多蒙特嘅艾寧夏蘭特合約至2022年，當中有買斷條款7500萬歐元(約7億港元)，佢喺多蒙特持續有好表現，過去一年上陣35場入35球，曼聯、皇馬、巴塞都想簽佢，預期各隊會出現一番爭奪。

車路士今季已簽入「德甲孖寶」迪姆華拿同夏維斯，但表現不如預期，不過既然已經「洗濕咗個頭」，車路士希望再重金簽入來自德甲嘅艾寧夏蘭特，從而激活兩位德甲兵，令陣容變強。

雖然想簽夏蘭特嘅豪門眾多，但車路士有信心可以勝出，因為疫情下各隊財政緊張，各隊簽人都要計過度過，車路士只要付出7500萬歐元更高嘅價錢競投，其餘各隊自會退讓。