伊巴謙莫域復出即起孖　AC米蘭意甲帶出

足球博彩神器，每日重心提供盡在《彩報》：http://win.on.cc/football/　

周二(19日)凌晨意甲大戰，AC米蘭作客以2比0擊敗卡利亞里，因傷患影響而時隔近2個月再喺意甲做正選嘅伊巴謙莫域，繼續神奇演出包辦2個入球，今季意甲8場喪入12粒升上射手榜次席，而AC米蘭亦帶開國際米蘭3分獨佔聯賽榜首位置。

AC米蘭今場有伊巴謙莫域復出掛帥，呢位39歲老將開波7分鐘就射入12碼先開紀錄，52分鐘再入1球為AC米蘭穩定勝局，雖然後備入替嘅沙利麥卡斯短時間之內連拎兩張黃牌，74分鐘被逐離場，但AC米蘭仍然成功頂住卡利亞里反撲，贏2比0全取3分。

伊巴謙莫域賽後表示，同年輕球員做隊友令佢更有動力：「年輕球員總係挑戰我，睇下邊個跑動能力多啲，我唔會認輸，要證明自己同佢哋一樣咁跑得。意甲踢咗差唔多一半，球隊表現得非常好，但真正嘅難關依家先至開始。」