保羅普巴翻生 多得加歷查羞辱

20210119
東網電視
更多新聞短片
《英超刨績王》加強版,最強數據一網打盡:http://win.on.cc/football/ 
曼聯今季成績突飛猛進,同利物浦、曼城兩大強隊爭逐冠軍,法國中場保羅普巴「翻生」嘅表現係主要原因之一。保羅普巴過去2季一直飽受球迷批評,甚至多次傳出將被賣走嘅消息,估唔到依家成為爭冠重要棋子,保羅普巴就話多得利物浦名將加歷查公開羞辱。
加歷查係1個月前曾表示,保羅普巴係佢見過「最名大於實」球員,又話皇馬同巴塞隆拿等豪門冇可能想買佢,呢位法國中場表示:「呢個世界有言論自由,每個人都可以講出自己意見,你可以覺得我名大於實,但咁樣只會令我更加努力,嘗試改變佢哋嘅睇法,所以我要同佢哋講聲多謝。」
另一位《天空體育》主播加利尼維利,就話保羅普巴係曼聯捧盃唯一希望:「曼聯爭冠機會唔及利物浦同曼城,但如果保羅普巴可以有2至3個月嘅神奇演出,曼聯或者會有機會,保羅普巴係可以做得到。」