菲臘佬教邁亞密　跟咸爺搵食

《英超刨績王》加強版，最強數據一網打盡：http://win.on.cc/football/　

菲臘尼維利決定離開英格蘭唔做女足主帥，而到美國執教國際邁亞密，同前曼聯隊友碧咸拍住上。

美職國際邁亞密周一宣布委任菲臘尼維利為新任教練，而同日較早前菲臘佬就離開三獅女足，原本佢計劃帶英格蘭女足參戰東京奧運。今次菲臘佬加盟邁亞密，跟身為班主碧咸再合作，佢話對自己係另一個挑戰：「好高興可以執教邁亞密，佢哋係一個好年輕嘅球會，充滿希望同優勢，對我係一個挑戰，希望同球員及身邊每一個人，創立及發展一個自豪嘅足球文化。」

碧爺搵到舊隊友幫手都表現期待：「我哋有共同嘅足球DNA，呢啲DNA係由一啲最好嘅領袖，喺比賽中培育出嚟，我一直都想呢啲價值觀可以帶到我哋嘅球會。菲臘有豐富嘅經驗，同好多優秀嘅教練及球員合作過，我哋好期待。」