摩連奴警告巴利：你想留低定係返皇馬？

足球博彩神器，每日重心提供盡在《彩報》：http://win.on.cc/football/　

「大聖爺」加里夫巴利今季被借到熱刺，佢嘅表現不似預期，最近喺球隊嘅訓練當中，主帥摩連奴公開對佢不滿，英國傳媒認為摩帥嘅容忍程度已經到咗極限，更有消息話「寸王」已經不想再畀機會佢。

熱刺官方電視Spurs TV最近發咗一段練波片，當中睇到摩帥同助教對住加里夫巴利指手劃腳，摩連奴更同巴利講：「你想留喺度嗎？定係返皇馬無得踢？」事實上，巴利今季喺英超只試過一次正選上陣，落場161分鐘，已經淪為球隊嘅邊緣球員。

球迷對呢段議論紛紛，更將話題演變到「巴利可能返皇馬？」熱刺好快亦將呢條片收起，變咗「私人影片」。皇馬同巴利嘅合約2022年到期，佢借到熱刺一直都無乜狀態，喺英超多數都係後備，主要踢歐霸，加上熱刺有孫興民同哈利卡尼呢對孖寶，入波已經好有保證。