英超公布最新確診數字　聖誕之後最低

《英超刨績王》加強版，最強數據一網打盡：http://win.on.cc/football/　

英超官方公布最近一周嘅新冠肺炎檢測結果，今輪檢測咗3115人，僅有16名球員或員工確診，係聖誕節以來最低嘅數字。

上一輪喺英超檢測有36個確診個案，令賽會相當緊張，並立即再收緊規例，而最新公布嘅檢測喺來自1月11至14日(有10人確診)，以及有6個中招個案係來自15至17日。英超官方無透露有冇球會受到影響，亦冇講中招嘅球員名字。

呢個數字喺自12月20日以來最低嘅確診數字，近期阿士東維拉由於有疫情爆發而有兩場賽事改期。早前，英足總已經重新審視球員喺疫情期間嘅行為，禁止球員互相擁抱慶祝入球，以免被質疑挑戰防疫措施。