奧爾斯踢費倫巴治　人工大減8成

《英超刨績王》加強版，最強數據一網打盡：http://win.on.cc/football/　

前德國國腳奧斯爾加盟土超費倫巴治已成定局，只等待球會官宣作實，英國傳媒報道，「奧燒」為咗轉投自己喜愛嘅球隊，犧牲甚大，因為佢喺土超所得嘅人工，只及阿仙奴不足兩成，相差甚遠。

英國《每日郵報》報道，奧斯爾在阿仙奴享有35萬鎊周薪(約369萬港元)，但嚟到費倫巴治，年薪折實係350萬鎊，即係話，奧斯爾喺阿仙奴10個星期，就等如費倫巴治一年人工，計番周薪嘅話，費倫巴治嘅周薪只有大約6.7萬鎊，比起阿仙奴嘅周薪大減81%。

費倫巴治嘅合約仲有啲獎金條款，例如奪得土超冠軍，奧斯爾可獲得44.5萬鎊，打入來季歐聯就可取得22.2萬鎊。

奧斯爾今次去土超一圓兒時夢想，代價相當大，不過有時候，開心無價，唔係每件事都用金錢衡量。