韋斯咸4連勝　創球會最佳半季成績

足球博彩神器，每日重心提供盡在《彩報》：http://win.on.cc/football/　

周三(20日)凌晨英超賽事，近期走勢強勁嘅韋斯咸，喺主場以2比1擊敗西布朗，19場聯賽後拎到32分升上第7位，呢個分數亦係韋斯咸喺英超史上最佳半季成績，「天才」領隊莫耶斯真係有料到喎！

韋斯咸今場踢到完半場前一刻，由查洛保雲入波先開紀錄，西布朗51分鐘由馬圖斯佩雷拉追成1比1，不過韋斯咸之後再發力，米查利安東尼奧66分鐘接應耶莫蘭高頭槌二傳攻入致勝球，帶領韋斯咸喺各項賽事錄得4連勝。

韋斯咸領隊莫耶斯賽後表示：「我哋要盡力保持依家嘅走勢，我叫球員唔好望住聯賽榜下半部，而係要向住上面觀望，我要球隊係充滿野心，今季盡量爭取最高嘅排名。」輸波嘅西布朗仍然排喺尾2位置，護級形勢相當嚴峻。