王子轉look！費托變身做變形俠醫

《英超刨績王》加強版，最強數據一網打盡：http://win.on.cc/football/　

好多職業球員退役之後，昔日弗爆嘅身形都會唔見咗，甚至六舊腹肌變咗個波，但昔日屬於「鋼條型」嘅西班牙球星費蘭度托利斯退役之後，一改形象，練到一身肌肉，更擁有一對麒麟臂，同樣令到女粉絲尖叫。

36歲嘅費托近日出席一個活動，以一身肌肉男示人，退役咗一年多變大隻，由胸肌、背肌到腹肌，着住衫都睇得到，當然佢嘅麒麟臂就更加成為焦點，逼爆T恤衫袖。有網民話佢好似變咗嘅Marvel角色阿Hulk，又講笑咁話費托係咪去咗做健身教練。

不過，費托喺2019年8月退役之後，的確好快開始進修教練課程，上個禮拜佢喺馬體會B隊實習，以助教身份亮相。