拜仁小勝　對「羅拔仔」意義大

足球博彩神器，每日重心提供盡在《彩報》：http://win.on.cc/football/　

拜仁慕尼黑周三深夜喺德甲對住奧格斯堡，憑住首席射手羅拔利雲度夫斯基半場嘅12碼，作客小勝對手1比0，袋走3分，而呢個入球對「羅拔仔」嚟講意義重大，繼續改寫德甲半季嘅入球紀錄，家陣已經累積到22球。

連埋呢場波，拜仁已經取得9連勝，而目前在排名榜以39分穩居榜首，以4分領先RB萊比錫。「羅拔仔」13分鐘主射12碼，成功射入並且獲得佢自己今季嘅第22個入球，打破咗德甲聯賽半季紀錄，如果保持呢個氣勢，有望挑戰德國傳奇梅拿自71-72賽季所創嘅全季攻入40球嘅紀錄。

今仗亦係後衞謝路美保定為拜仁第300次出戰德甲，奧格斯堡其實下半場有一次追平嘅機會，76分博得犯規迎來12碼，可惜艾費特芬保加臣操刀，雖然呃到門將紐布爾，但卻避唔過條門柱，中柱唔入，拜仁逃過一劫。