曼城爭議入波 哥帥:球證冇睇VAR咩?

2021年01月21日 22:03
東網電視
更多新聞短片
《串績王》新登場,最強博彩盤路過關神器:http://win.on.cc/football/ 
曼城尋晚喺英超主場2比0擊敗阿士東維拉,所有賽事9連勝,不過呢場波首個入球存在重大爭議,因為貝拿度施華射門之前,隊友洛迪卡斯簡迪早已越位,但球證冇表示,又唔睇VAR,仲將激烈抗議嘅維拉領隊甸恩史密夫趕出場,引起網民爭論。
當時係下半場79分鐘,比數仲係0比0,曼城一個傳送被維拉中堅泰朗明斯截下,當時企喺佢身後嘅洛迪卡斯簡迪明顯越位,但球證旁證都冇旗號同示意,泰朗明斯控球後,洛迪卡斯簡迪突然從身後上前搶走個波,再送交貝拿度施華勁射破網,當時多位維拉球員都舉手示意越位。
不過執法球證冇理會,判決入球成立,維拉領隊甸恩史密夫激動抗議,更被球證出示紅牌趕出場,佢事後表示:「真係好笑,佢明顯越位,又影響比賽,我睇得好清楚,我以為球證會睇VAR,但佢冇。」
3分已袋,哥迪奧拿嘅回應唔鹹唔淡:「係咩?球證冇睇VAR咩?我都唔知球例同當時情況喎,佢哋已經做咗決定啦。」