無限輪迴 7成球迷認為施丹離開皇馬

2021年01月21日 23:06
東網電視
更多新聞短片
7成球迷認為施丹離開皇馬(Getty Images)
《串績王》新登場,最強博彩盤路過關神器:http://win.on.cc/football/ 
皇家馬德里上周西超盃輸波,尋晚西班牙盃又不敵西丙球隊艾高恩奴,6日內連失2盃,主帥施丹再度出現帥位危機,有超過7成3球迷認為施丹將會離隊,施丹自己都話「要睇未來幾日發生咩事」。
皇馬今季成績不如預期,早前歐聯分組賽失利,已傳出施丹出現帥位危機,更盛傳普捷天奴隨時接手,不過後來皇馬喺歐聯順利出線,普捷天奴又去咗巴黎聖日耳門,傳聞不攻自破,估唔到過咗一排,皇馬陷入低潮,西甲被馬體會拋離,6日內連失2盃,施丹帥位危機再現。
西班牙《馬卡報》在皇馬出局後進行民調意查,結果73%球迷認為施丹將會離開皇馬,當中34%認為被辭退,高達66%認為施丹主動辭職。
對於球隊出局,施丹坦然承認責任:「球員被派上陣,佢哋都想贏波,球員依然信任我,至於佢哋點諗,你應該去問佢哋,我嘅位置,要睇未來幾日發生咩事。」
講番淘汰皇馬嗰隊艾高恩奴,係西丙3組別,班費70萬歐元(約660萬港元),門將係41歲嘅荷西桑恩,攻入致勝球嘅33歲中場祖安蘭,正職係一位通渠佬。