曼城大鑊！奇雲迪布尼受傷或抖4周

《英超刨績王》加強版，最強數據一網打盡：http://win.on.cc/football/　

今季英超爭逐激烈，近期後上氣勢凌厲嘅曼城，近日就受到重大打擊，繼阿根廷前鋒阿古路確診新冠肺炎後，比利時中場奇雲迪布尼亦因為大腿受傷，面臨長達4個星期嘅休養，嚴重削弱曼城嘅爭勝力量。

曼城上場聯賽贏阿士東維拉，奇雲迪布尼喺下半場因傷退下火線，經軍醫檢查之後，發現呢位比利時中場嘅大腿肌肉出現輕微撕裂。據英國《太陽報》報道，曼城軍醫預計養傷期可能達4個星期，就算最樂觀嘅情況，都要抖2至3個星期。

曼城嚟緊英超對手係西布朗、錫菲聯同般尼3支下游球隊，不過2月7號將會作客利物浦上演爭標關鍵戰，奇雲迪布尼有冇機會趕及復出仍係未知之數。