皇馬繼續行衰運　施丹確診無緣領軍

足球博彩神器，每日重心提供盡在《彩報》：http://win.on.cc/football/　

西甲勁旅皇家馬德里周五（22日）官方宣布，法國主帥施丹確診新冠肺炎，現正接受自我隔離，肯定唔會帶隊出戰周六作客艾拉維斯嘅西甲聯賽。

皇馬踏入2021年成績麻麻，4場比賽只贏1場，繼西超盃4強輸畀畢爾包，周中喺西盃第3圈更被丙組仔艾高恩奴踢出局，當時施丹都有領軍出戰，西班牙後衞拿祖費南迪斯喺嗰場比賽開波前亦證實確診，連同已經外借法蘭克福嘅盧卡祖域，皇馬隊中已經先後有多人「中招」，唔排除會陸續有嚟。

施丹月初喺聯賽作客奧沙辛拿前，曾經被列為緊密接觸者，一度需要接受隔離，不過後來2度檢測都順利過關，估唔到最終都係走唔甩。