【長知識】卡雲尼射箭動作 原來有典故

20210122
東網電視
更多新聞短片
(Getty Images)
《英超刨績王》加強版,最強數據一網打盡:http://win.on.cc/football/ 
經過周中快車,曼聯繼續高踞英超榜首,烏拉圭射手卡雲尼繼續成為談論焦點,呢位C朗後最佳7號有個招牌慶祝動作,就係單膝下跪作射箭狀,原來呢個係模仿南美洲原居民查魯亞人,亦同卡雲尼個細女有關。
對於呢個射箭動作,卡雲尼向大家詳細解畫:「講起嚟都有啲長篇,呢個動作包含烏拉圭嘅歷史,呢片土地上嘅原居民查魯亞人。」
「我個細女名字India,名字同烏拉圭嘅原居民有關,就係查魯亞人。因此我嘅慶祝動作,就係模仿查魯亞人射箭。」查魯亞人擅長騎射,烏拉圭傳承咗當地原居民嘅獨特文化,依家由卡雲尼喺英超賽場,向世人展現出嚟,令大家認識查魯亞人嘅傳統。
對於呢位出色射手,領隊蘇斯克查大讚冇得頂,仲叫隊中幾位前鋒要向佢好好學習:「卡雲尼就係一位我一直想要嘅禁區殺手,佢嘅走位,每個人都應該學習,有時佢會走邊傳中,其實我唔太想,佢應該喺禁區等待,希望佢唔好跑咁多。」