狼隊肉酸險勝第6級球隊　巴西神鋒即將加盟

《英超刨績王》加強版，最強數據一網打盡：http://win.on.cc/football/　

英足盃第4圈賽事周六(23日)凌晨展開，率先登場嘅英超球會狼隊，作客英格蘭第6級聯賽球隊佐利踢到勁狼狽，最後只靠一個世界波小勝1比0。狼隊今季表現差勁，不過佢哋即將簽入巴西前鋒韋利安荷西，或者有助改善球隊成績。

雖然對手係第4圈入面唯一一支非聯賽球隊，但狼隊今場贏得勁有運，佢哋12分鐘由葡萄牙小將域天拿攻入世界波後，一直空有控球而冇埋門，全場就係就呢次中龍埋門，相反佐利用簡單直接進攻，全場9次埋門5次中目標，逼到狼隊下半場都要換晒艾達馬查奧爾、魯賓尼維斯同柏度尼圖等正選落場穩住陣腳，最終狼隊小勝1比0，第5圈將對阿仙奴或修咸頓。

自從王牌前鋒魯爾占美尼斯重傷後，狼隊入球能力一直出現問題，據報球隊已經同皇家蘇斯達傾掂，將會借用巴西前鋒韋利安荷西半季，預計48小時內可以落實，而狼隊季尾有權有2,200萬英鎊將佢買斷。