施丹病咗 銀河艦隊無人駕駛

20210123
東網電視
更多新聞短片
(Now 632周日凌晨4時直播)
《串績王》新登場,最強博彩盤路過關神器:http://win.on.cc/football/ 
今晚深夜西甲尾場,聯賽2哥皇家馬德里作客下游分子艾拉維斯。「銀河艦隊」周中喺西班牙盃出局,施丹再現帥位危機,仲喺賽前確診新冠肺炎,加上箭頭賓施馬近況回落,傷愈復出嘅夏薩特持續低迷,令火力下降;艾拉維斯為護級苦苦掙扎,面對強敵必然死守望有分落袋,中位數2.5球嘅細盤值捧。(Now 632周日凌晨4時直播)
皇馬今季表現飄忽,季初喺歐聯分組賽連番受挫陷出局邊緣,施丹出現帥位危機,好在其後及時修正,成功出線歐聯分組賽,球隊亦重回正軌。不過「銀河艦隊」近期再陷低潮,6日內喺西超盃及西班牙盃接連出局,上周中西盃1比2不敵丙組仔艾高恩奴更係輸得核突,賽後7成3球迷認為施丹將會離隊,施丹賽前更宣布確診,今仗未能領軍,皇馬喺士氣低落下出戰西甲,唔慌好得去邊。
賓施馬狀態下滑
「銀河艦隊」近6仗有5場總入球開2球或以下,盧卡祖域「貨不對辦」被外借,另一箭頭賓施馬狀態明顯下滑,近4場聯賽入得1球,傷患不斷嘅貴價貨夏薩特復出後一直無甚佳作,施丹仲死頂寧用佢而犧牲挪威神童馬田奧迪加特,加上洛迪高高斯受傷,雲尼斯奧斯祖利亞、馬里安奴戴亞斯及馬高阿辛斯奧又時好時壞,難怪成績咁曳。
艾拉維斯現時於護級區掙扎,佢哋近況亦麻麻,近7場聯賽5敗,包括周中快車主場不敵西維爾1比2,完場前更有祖斯盧辛馬田射失12碼,錯失扳平良機。呢位皇馬出身前鋒近8場聯賽僅入1球,另一箭頭盧卡斯佩雷斯近7次上陣亦只入1粒,攻力弱過藥煲,為搶分遇強一定打守勢波,2.5球細盤可取。
名家:邪神
皇家馬德里近6仗總入球統計
2球或以下
83%