夏神加現金換麥巴比 聖日耳門制唔制?

20210123
東網電視
更多新聞短片
(Getty Images)
《串績王》新登場,最強博彩盤路過關神器:http://win.on.cc/football/ 
皇家馬德里打算今夏向巴黎聖日耳門收購基利安麥巴比,但疫情下出現財困,皇馬無法付出破世界紀錄嘅巨額轉會費簽人,西班牙傳媒報道,皇馬希望用夏薩特另加8000萬歐元(約7.55億港元)現金提出收購,等待聖日耳門回應。
疫情下各隊都唔好過,皇馬同巴黎聖日耳門都財困,但波仍是要踢,之前有消息稱,巴黎聖日耳門出現嚴重虧蝕,極可能買人套現,亦無法同時負擔麥巴比同尼馬人工,或者要放棄其中一個。
尋晚法甲聖日耳門4比0擊敗蒙彼利埃賽後,麥巴比再度談到自己嘅前途問題,佢話自己即將為前途做決定,一係續約長留巴黎,一係離隊,佢話:「我將會盡快決定未來,如果我選擇續約,我就會長留巴黎,而唔會續約一年後又想離隊,對於呢件事我會好好考慮。」
麥巴比唔止一次表示,自己終有一日會加盟皇馬,西班牙傳媒《Todofichajes》報道,皇馬準備以比利時隊長夏薩特加8000萬歐元收購麥巴比,雖然夏薩特喺皇馬冇料到,但佢始終有一定質素,去到法甲或有唔同演出,依家就要睇聖日耳門點抉擇。