賓尼迪斯將教些路迪 惡鬥謝拉特

20210124
東網電視
更多新聞短片
(Getty Images)
《英超刨績王》加強版,最強數據一網打盡:http://win.on.cc/football/ 
賓尼迪斯辭去中超球隊大連人教練之職後,英國《每日郵報》指呢位60歲西班牙名帥好大機會執教蘇超勁旅些路迪,一旦成事,意味賓尼迪斯將會重遇昔日利物浦愛將、現任格拉斯哥流浪領隊謝拉特,兩人由師徒變對手。
格拉斯哥流浪喺謝拉特執教之下,今季聯賽已經拋離第2位些路迪23分,雖然格流踢多3分,但相信捧盃機會仍然高唱入雲。些路迪管理層都深知爭標形勢不妙,打算解僱領隊連儂,並聘請賓尼迪斯救亡。
賓尼迪斯以前執教華倫西亞、利物浦、車路士、國際米蘭、拿玻里都有盃捧,代表作一定係協助利物浦勇奪2005年歐聯冠軍,當時紅軍隊長正係謝拉特。
賓尼迪斯曾經喺利物浦同謝拉特合作6年,非常了解呢位「神奇隊長」,些路迪亦係睇中「肥賓」呢個優點,希望佢可以剋制由謝老四領軍嘅格拉斯哥流浪,到時兩人大鬥法一定好睇。