機會來了！雲迪碧克可望擔正鬥紅軍
20210124
東網電視
更多新聞短片
(Getty Images)
《串績王》新登場，最強博彩盤路過關神器：http://win.on.cc/football/
曼聯將於周一(25日)凌晨英足盃主場對利物浦，英國《每日郵報》指紅魔鬼領隊蘇斯克查將會輪換部份主力，包括用雲迪碧克擔任正選，呢位荷蘭國腳終於有機會喺大戰表演。
雲迪碧克今夏以4,000萬鎊轉會費，由阿積士加盟曼聯以來，大部份時間擔任後備，只曾於英超2次踢正選。不過，雲迪碧克喺盃賽有唔少發揮機會，曼聯上圈英足盃對屈福特，佢就踢足全場。
由於賽程緊密，曼聯出戰盃賽，難免需要輪換陣容，今場英足盃對利物浦，預料雲迪碧克好大機會再次正選上陣。
蘇斯克查亦表示，雲迪碧克將於今場擔當重要角色：「雲迪碧克一定會上陣，佢充滿自信，亦好有實力，但需要等待機會，我認為佢今場可能會成為決定勝負嘅關鍵因素。」
早前有傳雲迪碧克向曼聯提出今個月外借去其他球隊，但已經被曼聯方面拒絕，因為會方認為下半季賽程緊密，需要呢位荷蘭國腳幫手。