羅拔仔職業生涯500球　現役第4人

《串績王》新登場，最強博彩盤路過關神器：http://win.on.cc/football/　

周一(25日)凌晨德甲大戰，拜仁慕尼黑作客以4比0大勝史浩克04，喺兩大爭標對手RB萊比錫同利華古遜今場齊齊輸波下，拜仁慕尼黑依家喺聯賽榜一枝獨秀，拋離次席嘅RB萊比錫7分，「金球先生」羅拔利雲度夫斯基亦繼續刷佢嘅入球紀錄。

拜仁慕尼黑近期狀態回勇，今場33分鐘就由湯馬士梅拿先開紀錄，羅拔利雲度夫斯基54分鐘拉開比數，湯馬士梅拿88分鐘入個人第2球，而呢3個入波都係由甘美治助攻，令佢上演「助攻帽子戲法」；拜仁慕尼黑補時階段再有阿拉巴埋齋，作客大勝4比0。

羅拔利雲度夫斯基今場入波，令佢為為德甲史上第1個連續8場聯賽作客入波球員，呢球同時係佢職業生涯第500球，現役球員當中就只有美斯、C朗拿度同伊巴謙莫域做到，羅拔利雲度夫斯基就係現役第4人。

(片段由德國甲組足球聯賽正式授權)