救星駕到　韋利安荷西豪言引狼入Top8

《英超刨績王》加強版，最強數據一網打盡：http://win.on.cc/football/　

狼隊日前宣布向皇家蘇斯達借用巴西前鋒韋利安荷西半季，呢位29歲射手被視為重傷嘅魯爾占美尼斯替補，狼隊亦有權喺季尾用1,800萬英鎊轉會費將佢買斷。韋利安荷西目前仍然等緊工作證，之後就會飛去英國向狼隊報到，雖然嚟緊2場聯賽都未必踢得，但韋利安荷西就雄心勃勃，豪言今季要率領狼隊殺入前8位。

狼隊目前排喺聯賽榜第14位，魯爾占美尼斯嘅重傷無疑係主要原因，韋利安荷西加盟就成為救星，呢位巴西前鋒簽約後表示：「今季賽事一定要有個好嘅結尾，我希望可以帶領球隊打入前8位，然後下季可以向更高目標進發，我知道唔容易，但我已經做好晒功課，隨時迎接新挑戰。」

韋利安荷西喺2016年開始效力皇家蘇斯達，至今上陣170場入62球，上星期喺西班牙盃先至梅開二度，可見佢目前狀態唔差，加盟後可望即刻為狼隊擔正。