【官宣】Papa重返希臘　梅斯達菲都想解約

澳職開鑼，即上《澳職刨績王》：https://win.on.cc/football/league/aleague/index.html　

日前同阿仙奴提早解約嘅希臘中堅柏柏斯達夫普路斯，周二(26日)正式落實重返希臘搵食，加盟國內班霸奧林比亞高斯。32歲嘅柏柏斯達夫普路斯出道嗰陣效力另一希臘勁旅AEK雅典，2008年轉投意甲熱拿亞，之後效力過AC米蘭、多蒙特同阿仙奴等勁旅，時隔13年後再返希臘聯賽，柏柏斯達夫普路斯表示：「好開心，我仲有好多目標，希望盡快重返球場，我哋仲有好多成就可以達成。」

柏柏斯達夫普路斯同阿仙奴解約後轉會，據意大利傳媒爆料，德國中堅梅斯達菲亦計劃同阿仙奴斟介提早終止合約，令佢可以以自由身加盟拉素。梅斯達菲同阿仙奴止剩半年合約，但由於佢人工太高，令唔少買家卻步，如果回復自由身，有助增加自己「叫座力」。