韋斯咸爭搶借用黃喜燦

澳職開鑼，即上《澳職刨績王》：https://win.on.cc/football/league/aleague/index.html　

目前效力RB萊比錫嘅南韓國腳黃喜燦，好有機會被借調去韋斯咸，今季佢喺德甲踢得唔係太順，早前又確診新冠肺炎，睇下去到英超會唔會有好轉。

上3季喺薩爾斯堡都有雙位數字入球嘅黃喜燦，今季嚟到萊比錫，但表現一般，今季落場僅9次，只入1粒同1個助攻；呢位24歲球員早前感染新冠肺炎，而且情況唔輕，最近才復出。

據德國《圖片報》報道指，萊比錫希望將佢借走，消息指都有幾支英超隊中睇下佢，當中包括早前以2200萬鎊賣射手施巴斯坦賀拿嘅韋斯咸，家陣領隊莫耶斯正物色射手，黃喜燦會係佢哋嘅考慮。